Калифорнија ја престигна Франција како шеста најголема економија

Калифорнија ја престигна Франција како шеста најголема економија во светот, благодарение на силниот економски раст и јакнење на американскиот долар спрема други валути, се вели со официјални податоци.

Најнаселената американска сојузна држава со БДП од 2.500 милијарди долари ја претекна Франција и Бразил кој е погоден од рецесија, наведуваат американски медиуми.

– Тоа е резултат како на добриот економски раст на Калифорнија така и на движењето на курсот на американскиот долар спрема други валути, изјави Ирена Асмундсон, главен економист во Министерството за финансии на Калифорнија.

Економијата на Калифорнија лани е зголемена за 4,1 отсто во споредба со целокупниот раст на САД од 2,4 отсто и 1,1 отсто во Франција.

Според графиконот на калифорниското Министерство, САД се најголема светска економија, на второ место е Кина и на трето – Јапонија. Четврта е Германија, петта Велика Британија.

Во Калифорнија лани беа отворени најголем број работни места во САД. Седиштето на четири од десет најголеми американски компании се во Калифорнија меѓу кои Алфабет и Фејсбук. Гувернерот на Калифорнија Џери Браун (78) ја води таа американска држава низ економско опоравување од 2011 година кога ја презеде функцијата. Успеа да избегне фискална криза и констатен дефицит и да бележи буџетски суфицити.