Јужна Кореја објави дека Северна Кореја разнела делови од патот што ги поврзува двете корејски држави
Јужна Кореја објави дека Северна Кореја уништила делови од пат што ги поврзува двете држави на нејзина територија. Тоа доаѓа во време на ескалација на тензиите меѓу Пјонгјанг и Сеул поради тврдењата на Северот дека Југот испратил беспилотни летала над севернокорејската престолнина.
Началникот на здружениот генералштаб на Јужна Кореја рече дека Југот ја зголемува својата подготвеност за можни акции и ја следи ситуацијата, но не даде детали.
Уништувањето со експлозиви на севернокорејскиот дел од заедничкиот пат уследи по денот кога севернокорејскиот лидер Ким Џонг-ун закажа средба со највисоките севернокорејски воени и безбедносни претставници. За време на средбата Ким изјави дека летот на јужнокорејски дронови над Пјонгјанг е сериозна непријателска провокација. Тој, исто така, додели неодредени задачи поврзани со итна воена акција и воена операција за одвраќање против непријателот за заштита на суверенитетот на Северна Кореја, соопшти севернокорејската државна новинска агенција.
Претходно, Северна Кореја ја постави својата артилерија по должината на демаркационата линија подготвена да го нападне Југот. Во готовност за акција беа ставени и други армиски единици. Јужна Кореја одби да потврди дали испратила беспилотни летала над Северот, но предупреди дека ќе ја казни Северна Кореја доколку безбедноста на јужнокорејските граѓани на кој било начин биде загрозена од неа.
Уништувањето на севернокорејскиот дел од заедничкиот пат е дел од напорите на севернокорејскиот лидер да ги прекине врските со Југот и да се откаже од децениската цел за повторно обединување на Корејскиот полуостров.
Ново на Сител
-
Посебен режим на сообраќај денеска во Скопје
-
Еуроњуз: Јавниот превоз во Македонија меѓу најлошите во Европа
-
Уапсен средношколец од Сараево поради лажни пријави за бомби во училишта
-
Нетанјаху: Израел ќе ги слуша САД, но ќе донесува одлуки во согласност со своите национални интереси
-
НАСА го лансираше „Клипер“ до Јупитеровата месечина Европа | ВИДЕО
-
Нови шест обвиненија за Диди
-
За една недела Царината заплени златен накит, лекови, облека и цигари
-
Мицкоски ги презентира владините економски приоритети пред Стопанската комора на Германија