Јапонија повлече од употреба 1,6 милиона дози од вакцината „Модерна“
Јапонија денеска ја прекина употребата на 1,63 милиона дози од вакцината против коронавирусот на компанијата „Модерна“, откако беше откриено дека во некои ампули има „непознати материјали“.
Јапонското Министерство за здравство соопшти дека примило извештаи од неколку центри за масовна вакцинација, во кои се наведува дека е откриено дека во одредени неискористени дози на вакцината на „Модерна“ се наоѓаат „ непознати материјали“.
Јапонскиот производител на лекови „Такеда фармасјутикал“, задолжен за дистрибуцијата и продажбата на вакцините на „Модерна“ во земјата, соопшти дека како мерка на претпазливост ја суспендира употребата на околу 1,63 милиона дози произведени во истата производствена лента, пишува агенцијата Кјодо.
Министерството за здравство и оваа компанија наведуваат дека допрва треба да ги проучат извештаите за можна нарушена безбедност на вакцината.
Според Министерството, „Модерна“ ветила дека веднаш ќе отвори истрага.
Извештаите за контаминација стигнаа од осум центри за вакцинација во пет јапонски префектури, а присуството на туѓи материи беше потврдено во 39 ампули.
Ново на Сител
-
Бајден го потпиша законот за забрана за увоз на збогатен ураниум од Русија
-
Состојба на патиштата
-
Телефонски разговор Ципрас-Заев: Ја истакнале важноста на почитувањето на Договорот од Преспа
-
Жената носи живот | Мери Амбросова | Личен развој | Sitel Podcast 036
-
„Паркови и зеленило“: Немаме склучено договор со Владата за одржување на дворот на владиниот објект
-
„Европскиот фронт“ обвинува за обид преку ДИК да му бидат одземени еден до два пратенички мандати
-
ДИК прифати приговор на коалицијата „Влен“ за избирачкото место во Желино
-
Претепан вработен во казино од три лица на кои им бил забранет влезот