Израелскиот вицепремиер Силван Шалом поднесе оставка

Израелскиот вицепремиер Силван Шалом поднесе оставка поради обвиненијата за сексуално вознемирување, што кон него ги упатија неколку жени, пренесе ДПА.
- Доволно непријатности преживеав, изјави 57-годишниот Шалом во коминике, во кое тврди дека е невин.
Моето семејство стои зад мене, но тоа веќе не заслужува да го подложувам на овој притисок, изјавува Шалом во коминикето и подвлекува дека се надева дека ќе ги зачува својата мајка, сопругата и петте деца од натамошно ширење на скандалот.
Израелскиот главен обвинител Јехуда Вајнштајн почна истрага за жалбите кон Шалом, кои минатата година го принудија да остане надвор од претседателскиот натпревар.
Шалом е виден претставник на владеачката десна партија Ликуд. Тој во својата досегашна политичка кариера бил и министер за надворешни работи и министер за финансии на Израел.
Премиерот Бенјамин Нетанјаху во мај му овозможи да ги предводи преговорите со Палестинците. Во минатото Шалом се изјаснуваше против создавање палестинска држава.
Израелскиот весник „Аарец“ информира за тврдењата на поранешна колешка на Шалом дека се обидувал да ја допира на неумесен начин. Таа, меѓутоа, решила да не жали до полицијата. Откако нејзните тврдења станаа јавно достапни и други жени, исто така, упатија слични обвинувања.
Ново на Сител
-

Собраниската надзорна расправа за Алта банка продолжува следната недела
-

Тема на денот со Горан Марковиќ, главен извршен директор на Македонски Телеком
-

Декларација за мир потпишана на историската средба меѓу претседателите на САД, Русија и Кина
-

Истражните органи влегоа во Макстил – Се проверува дали фабриката загадува надвор од дозволените параметри
-

Со акциски план ќе се бара решение за неконтролираното движење кравите низ Крива Паланка
-

„Блокадата е во Скопје, а не во ЕУ“, оценува директорот за проширување на Унијата
-

Институтот за историја одбележува 80 години постоење
-

Германија ја преполовува квотата за работници од Западен Балкан, помалку места и за Македонците
