Изгаснати два пожара во Македонска Каменица
Изгаснати се пожарите кои утрово избувнаа во близина на градската депонија и ХЕЦ „Калиманци” во Македонска Каменица. Во гаснењето на терен учествуваа екипи на Територијалната противпожарна единица и доброволното противпожарно друштво „Саси” од Македонска Каменица од каде информираат дека интевенирано е на два пожара кои се појавиле на таа локација.
-Комбиниран тим од ТППЕ Македонска Каменица и ДПД „Саси” денеска интервенираа на два пожара, еден во близина на хидроцентрала Калиманци и вториот во непосредна близина на градската депонија. Пожарите се локализирани, а тимовите се уште се на терен и работат на спречување на повторно палење, информираа од Територијалната противпожарна единица од Македонска Каменица.
Упатија апел до граѓаните да се однесуваат одговорно и веднаш да пријавуваат несовесно однесување во природа.
-Ова е период кога пожарите се чести поради што апелираме на совесност на граѓаните и навремено пријавување на секоја појава на огнена стихија, додадоа од ТППЕ Македонска Каменица.
Како што дополнија, пожарите се меѓу ретките кои годинава се регистрирани на подрачјето на Општина Македонска Каменица.
Ново на Сител
-
Двајца битолчани украле бакарен кабел и други предмети во вредност од 2.970.000 денари
-
Делегација на ВМРО-ДПМНЕ во Валенсија
-
Find Your Beauty: dm ве поканува на најголемиот beauty настан досега
-
Бектеши останува во притвор, одлучи Апелациониот суд
-
ЕК: Прекинот на струја во Шпанија и Португалија не е кибер напад, но е лекција за потребата од подготвеност
-
Додека го апселе прилепчанец украл пиштол на полицаец
-
Исчезна 11-годишно дете од СОС Детско село
-
Викендот сончево и топло, следната седмица повремен дожд и појава на грмежи