Иванов се сретна со Вселенскиот патријарх Вартоломеј
Претседателот на Република Македонија, Ѓорге Иванов во Истанбул се сретна со Вселенскиот патријарх Вартоломеј.
Претседателот Иванов, соопштија од неговиот кабинет, упатувајќи честитки по повод големиот христијански празник Воскресение Христово – Велигден, ги поздравил активностите и напорите на Вселенскиот патријарх за обезбедување поголемо единство во православната екумена и за помирување на христијанството со другите религии.
- Во време кога светот се соочува со тешки предизвици, потребна е заедничка посветеност и заложба во одбраната на христијанските вредности и принципи, кои настојуваме да ги споделуваме во духот на дијалогот и меѓусебната почит, истакнал македонскиот претседател.
На средбата биле разменети мислења за повеќе актуелни теми од заемен интерес.
Двајцата соговорници разговарале за прашања поврзани со статусот на Македонската православна црква - Охридска Архиепископија. Претседателот Иванов истакнал дека МПЦ-ОА е жива црква, додека Вселенскиот патријарх изразил надеж дека прашањето ќе се реши. Претседателот Иванов упатил покана до Вселенскиот патријарх да ја посети Република Македонија, по повод одбележувањето на големиот јубилеј - 1000 години од формирањето на Охридската архиепископија.
Претседателот Иванов престојува во работна посета на Република Турција, по повод учеството на 21. Евроазиски економски самит.
Ново на Сител
-
Телефонски разговор Ципрас-Заев: Ја истакнале важноста на почитувањето на Договорот од Преспа
-
Жената носи живот | Мери Амбросова | Личен развој | Sitel Podcast 036
-
„Паркови и зеленило“: Немаме склучено договор со Владата за одржување на дворот на владиниот објект
-
„Европскиот фронт“ обвинува за обид преку ДИК да му бидат одземени еден до два пратенички мандати
-
ДИК прифати приговор на коалицијата „Влен“ за избирачкото место во Желино
-
Претепан вработен во казино од три лица на кои им бил забранет влезот
-
На сила го внел во возило и му украл накит и 2.500 евра - Кривична пријава за 40 годишник од Скопје
-
Тепачка во ресторан во Драчево