Истражување: Образованието потфрли со онлајн наставата, средните училишта не се подготвени

Образовниот систем не е подготвен за е – настава покажува истражувањето на ЛЕАД спроведено од 25 мај до 15 јуни.

Асоцијацијата со истражувањето како течело спроведувањето на далечинското учење опфатила 407 наставници и 627 ученици од средни училишта во земјава.

ЛЕАД предлага унифицирана платформа за онлајн настава и обука на наставници. Главни причини поради кои образовниот систем не покажа резултати од далечинското учење се слабата употреба на дигиталните алатки во годините пред Kовид кризата, начинот на кој се одвивала наставата, недостиг на компјутери и брз интернет. Ниту едно училиште не спровело евалуација за тоа како течела онлајн наставата.

Од ЛЕАД предлагаат училиштата да закупат Зоом простор кој според нив не чини многу а ќе придонесе еднаков модел на учење за сите. Неопходно е да има квалитетна настава без разлика дали ќе биде со физичко присуство во училиштата или ќе продолжи далечинското учење.