Истрага против италијански државјанин за пронајдена дрога во неговиот багаж на скопскиот аеродром

Наредба за спроведување истражна потапка против едно лице поднесе Основното јавно обвинителство Скопје, поради основано сомнение дека 38-годишен италијански државјанин сторил кривично дело „неовластено производство и пуштање во промет наркотични дроги, психотропни супстанции и прекурсори“ од член 215 став 1 од Кривичниот законик, соопшти МВР.

– На 17 мај, на Меѓународниот аеродром Скопје, при личен преглед на осомничениот, во неговата патна торба биле пронајдени 8,01 грама марихуана, 3,33 грама хашиш и 18 милилитри хашиш масло, посочуваат од Министерство.

Поради опасност од бегство, надлежниот јавен обвинител до Основниот кривичен суд Скопје достави и предлог за определување мерка притвор за осомниченото лице.​