Исламската држава ја презеде одговорноста за нападот во Берлин
Ирачката организација „Народен фронт за мобилизација“ тврди дека одговорноста за терористичкиот напад во центарот на Берлин ја презела „Исламската држава“ (ИД), јавуваат германските медиуми.
Како што пренесува дописникот на МИА од Берлин, ирачката организација своето тврдење го базира на податоци од џихадистички профили на социјалните мрежи во кои влегле нејзините членови со помош на технологија за декриптирање.
„Народен фронт за мобилизација“ е организација формирана од ирачката влада а составена е од 40 различни вооружени групи од сите верски, етнички и политички профили во Ирак кои што имаат цел борба против Исламската држава.
Пред три недели ИД ја презеде одговорноста и за нападот на сомалиски бегалец кој нападна студенти на универзитет во Охајо а предходно презеде одговорност и за нападите во Ница, Париз, Брисел и неколку инциденти во Германија.
Во ноемвриското издание на магазинот на англиски јазик „Румиах“, Исламската држава ги повикала своите следбеници да извршат напади возејќи големи камиони на места со голема фрекфенција на луѓе со цел да предизвикаат што е можно поголем број жртви.
Исламската држава ги повика своите симпатизери да целат на политички митинзи, отворени базари, полни централни улици во големи градови особено настани кои што немаат големо обезбедување.
Според написот на англиски јазик ИД порачува:„Во обидот да се направи штета на непријателите на Алах императив е да не се напушти возилото во текот на нападот: Подобро е да остане да во возилото, да се вози преку неверниците да се кршат нивните остатоци се додека е невозможно да се продолжи возењето“.
Германското разузнавање инцидентот на плоштадот Брајтшајд до црквата Кајзер Вилхелм во Берлин го истражува како да е терористички напад.
Ново на Сител
-
Владата донесе одлука со која цената на осигурувањето од автоодговорност се враќа на ниво од пред 25 април
-
Фитнесот почна како мода но полека стана здрава навика | Стефанија Бубало | Јанг стори | Sitel Podcast 032
-
ДИК донесе заклучок за конечност на резултатите од првиот круг на претседателските избори
-
Бискупот Стојанов упати Велигденска честитка до Архиепископот г.г. Стефан и верниците
-
Пронајдено тело на починат маж во Вардар во Велес
-
Благодатниот оган и оваа година од Ерусалим ќе пристигне во Грција
-
Зеленски: Русија во април употреби 300 ракети, 300 дронови и 3.200 касетни бомби во нападите врз Украина
-
ДСЗИ најави забрана на Клиниката за токсикологија за здравствени работници без договори за вработување