Инспекторатот за труд и ССК заедно против сивата економија
Сивата економија и честото менување на законските прописи сé уште се едни од најгорливите прашања за бизнис заедницата. Како што беше речено на денешната прес-конференција во Сојузот на стопанските комори (ССК), сите треба да учествуваат во системот на државата под еднакви услови, а не да наоѓаат начини да го заобиколат.
-Борбата против сивата економија е една од главните работи што ќе ги спроведуваме. Тоа е рак рана на секое општество и главна причина за пореметување на работата на добрите стопанственици. Но, има и чести измени на законските одредби поради кои некогаш работодавачите не можат да се снајдат. Тука сме ние да помогнеме во едукативниот дел, рече директорот на Државниот инспекторат за труд, Аљајдим Хавзиу по потпишувањето на Меморандумот за соработка со ССК.
Од Сојузот порачаа дека процентот на сивата економија може да се намали ако инспекциските служби изградат партнерство со приватниот сектор.
-Инспекциите треба да делуваат пред се едукативно, да бидат брзи, ефикасни и фер кон компаниите, транспарентни и квалификувани за да донесуваат одлуки базирани на докази. Државниот инспекторат за труд е позитивен пример, бидејќи во заедничката борба со сивата економија е единствена институција која знаеме дека има изречено глоба по Законот за забрана за вршење на нерегистрирана дејност, кој во моментов е наједноставниот механизам кај нас кој го имаме за справување со сивата економија, рече потпретседателот на ССК, Габрила Кулебанова.
Кулебанова истакна дека сивата економија и нелојална конкуренција го кочат развојот не само на економијата, туку и на државата.
Ново на Сител
-
Fast Food 7 - принцип за постојан квалитет | Билјана З. Попова | Бизнис приказни | Sitel Podcast 030
-
Пронајдена неексплодирана експлозивна направа во Битола
-
Разбојникот кој ограби казино со автоматско пушка е полицаец
-
Демири: Ако Клиниката за токсикологија не била осигурена, менаџментот треба да преземе одговорност
-
До 30 април на полноќ пријавување на болните и изнемоштените за гласање на изборите на 8 мај
-
Гевгеличанка лажела дека е царински застапник и измамила Грк за 2.000 евра
-
Тошковски: Поддршка до специјалните единици бидејќи тие се првиот столб на заштитата на безбедноста и суверенитетот на државата
-
Пет клучни донатори вложија повеќе од 50 милиони долари во претседателската кампања на Трамп