Индија регрутира поранешен воен медицински персонал
Индија ќе регрутира стотици поранешни припадници на воениот медицински персонал за да му помогне на здравствениот систем што е соочен со исклучително висок број на заразени со Ковид-19, соопшти денеска Министерството за одбрана на таа земја.
Околу 400 медицински службеници од индиската армија се очекува да служат по договор најмногу 11 месеци, соопшти Министерството, додавајќи дека и други воени лекари биле контактирани за консултации преку интернет.
Смртните случаи поврзани со Ковид-19 соборуваат рекорди на секои два или три дена, а бројот на смртни случаи се зголеми за повеќе од 4.000 втор ден по ред.
Многу индиски држави воведоа строги блокади во текот на минатиот месец, додека други најавија ограничувања на движење.
Расте и притисокот врз премиерот Нарендра Моди да воведе блокада на целата територија на земјата, како што беше случај за време на првиот бран минатата година.
Индиската медицинска асоцијација повика на „целосно, добро испланирано, претходно најавено“ затворање наместо ноќни полициски часови и ограничувања воведени од државите за по неколку денови.
Ново на Сител
-
Чешка и Словенија испраќаат помош за справување со пожарите во Северна Македонија
-
За еден ден ќе почне првичната селекција на лицата кои треба да бидат ангажирани како пожарникари
-
Трамп ѝ даде на Русија нов рок од 10-12 дена за завршување на војната во Украина
-
Скопјанецот Зоран Настевски совлада “бомбаш самоубиец“ на лет од Лутон кон Глазгов | ВИДЕО
-
71-годишен кумановец загина во сообраќајка при судар со товарно возило
-
Кривична пријава против две лица од Велешта кои му се заканувале на пратеник од Струга
-
ЦУК: 15 пожари на отворен простор, девет активни и шест под контрола
-
Од ноќеска нестабилно со пороен дожд и грмежи и услови за краткотрајно невреме, особено во четврток