ИД ја презеде контролата врз планината Тора Бора, каде се криеше Осама Бин Ладен
Исламската држава соопшти дека денеска ја презеде контролата врз планината Тора Бора во источниот дел на Авганистан, каде се криел ликвидираниот поранешен лидер на Ал Каеда, Осама бин Ладен.
ИД претходно денеска објави аудиоснимка, наведувајќи дека нивното знаме се вее на врвот на планината.
Во пораката што ја објави радиото „Калифат“, се наведува дека покрај планината освоени се и уште неколку области, а за локалните жители, кои избегале за време на борбата, порачано е да се вратат дома и да останат затворени.
Талибанците го потврдија соопштението на ИД.
Портпаролот на талибанците, Забиулах Муџахид, првично демантираше дека планината Тора Бора е под контрола на ИД. Но потоа тој истакна дека ИД навистина ја презела контролата врз Тора Бора.
-Се обидовме да дадеме отпор, но не успеавме и седуммина од нашите муџахедини паднаа како маченици во борбите, нагласи портпаролот на Талибанците.
Муџахид наведе дека повеќе од 30 борци на ИД се убиени во борбите.
Авганистанските претставници претходно денеска, соопштија дека борбите меѓу ИД и талибанците траат два дена.
Во американски воздушен удар синоќа загинале 11 талибански борци.
Ново на Сител
-
ДИК прифати 7 приговори, прегласување на 22 мај
-
Работните групи за владина коалиција на ВМРО-ДПМНЕ и Вреди стартуваат со работа
-
Нови реакции за говорот на Силјановска од европските земји и Грција
-
Анкета на ИРИ: Македонците сакаат во ЕУ, но не веруваат дека Унијата ќе ги отвори вратите
-
Седуммесечно бебе паднало од импровизиран кревет
-
Центар за рангирање на светски универзитети: УКИМ година дена не бележи никаков напредок
-
Структурни реформи веднаш, за поголем економски раст
-
Македонците најмногу трошат на „Букинг“, а најмногу купуваат на „АлиЕкспрес“