Хуманитарен карактер на концертот „Химни на Рождество Христово“- сите средства одат за Давид Стојановски од Кратово

Петта година по ред во Кратово се одржува традиционалниот Божиќен концерт „Химни на рождество Христово“.

И оваа година овој духовно-културен настан понуди богата програма од химни посветени на големиот христијански празник. 

Покрај црковниот хор „Свети Ѓорѓи Кратовски“, учество земаа и ученици од основното училиште „Кочо Рацин“ и децата од Дневниот центар за лица со телесна или ментална попреченост.

Концертот е во организација на општина Кратово и има хуманитарен карактер, бидејќи сите собрани средства ќе бидат донирани Давид Стојановски од Кратово, кој наскоро треба да замине на операција во Австрија.