Хрватска: Татко си ги задавил трите малолетни деца, па пробал да се самоубие
Три малолетни деца биле задавени од страна на нивниот татко во стан во Загреб, во населбата Млинови.
Полицијата на местото на злосторството рано утрово откри тела на три деца – близнаци момче и девојче на возраст од седум години и 4-годишно момче. Во спалната соба го нашле телото на четиригодишното дете на креветот, а близнаците во дневната соба. Телата на децата се пренесени во Институтот за судска медицина.
Откако се обидел да си го одземе животот, таткото на децата (56) бил однесен во болница, пишува „Јутарњи лист“. Не е познато кој пријавил дека нешто се случило во куќата, но полицијата и брзата помош брзо пристигнале на местото на настанот.
Станува збор за австриски државјанин, угледен финансиски консултант кој живеел и работел во Загреб. Со сопругата наводно биле разведени, па децата викендов биле кај него на гости.
Во својот последен статус на „Фејсбук“ напишал: „Збогум на сите“, а како мотив ги навел нарушените односи со бившата сопруга и сегашната партнерка.
Ново на Сител
-
Државата им плаќа да студираат на престижни универзитети, ама не го користи нивниот потенцијал
-
ЕУ очекува уставни измени и почитување на Преспанскиот договор од новата Влада
-
Ибраимовски демантира дека им се заканувал по живот на уставните судии
-
Камбовски: Распуштање на Судски не е опција
-
Преглед на вестите од светот
-
На секоја втора фирма во Македонија и се барало мито
-
Граѓаните не се доволно вклучени во процесот на носење одлуки
-
Не запираат дивоградбите во Охрид