Хрват на градилиште го уби колегата, а потоа и себе: Нови детали за пукањето во Минхен

Германската полиција во четвртокот утрото доби дојава за пукање на градилиште во Минхен.

Како што наведе портпаролот на полицијата Свен Милер, напаѓачот е 29-годишник од Аугсбург кој има германско и хрватско државјанство.

Хрватот прво го убил својот колега, а потоа и себе. Жртвата е 45-годишен Германец од Герлиц.

150 полицајци биле на местото на настанот, а граѓаните раскажуваа дека утрово слушнале истрели од огнено оружје на градилиштето.