Гутереш: Криза без преседан, нормалните правила повеќе не важат
Генералниот секретар на ОН Антонио Гутереш денеска предупреди дека целиот свет е во војна со коронавирусот и оти по пандемијата многу земји ќе бидат во рецесија.
– Нашиот свет се соочува со заеднички непријател. Ние сме во војна со вирусот, рече Гутереш преку видео прес конференција.
Тој додаде дека креативноста, како и интензитетот на одговорот, мора да одговараат на уникатната природа на кризата.
– Се наоѓаме во ситуација без преседан и нормалните правила повеќе не важат. Не можеме да посегнеме по вообичаените средства во овие невообичаени времиња, истакна Гутереш.
Тој ги повика светските лидери да се придружат на напорите во глобалниот одговор на заканата, велејќи дека трите главни цели се отстранување на опасноста за здравјето на луѓето, социјалната поддршка и обнова на економиите.
– Дури и во најбогатите земји, гледаме дека здравствените системи паѓаат под притисокот, рече Гутереш.
Тој истакна дека економската рецесија предизвикана од пандемијата може да влијае на земјите во развој и додаде дека Меѓународниот монетарен фонд, Светската банка и другите меѓународни финансиски институции ќе играат клучна улога.
– Децата исто така ќе платат голема цена. Повеќе од 800 милиони деца во моментов не се на училиште, а многу од нив во училиште го имаат единствениот оброк. Треба да обезбедиме сите деца да имаат пристап до храна, рече Гутереш.
Ново на Сител
-
За прв пат во историјата Јувентус не загуби натпревар од Серија А, во кој заостануваше со три гола
-
Си Џинпинг и го честита на Сиљановска Давкова изборот за претседател
-
Денеска ќе се одржат погребни ритуали за претседателот на Иран
-
Падна и член на Советот на јавни обвинители, Мемети осомничен за поткупот во случајот на Боро Малборо
-
Гласаат болните, изнемоштените и затворениците пред утрешното прегласување за парламентарните избори во седум избирачки места
-
Судскиот совет му го одзема имунитетот на врховниот судија Георгиев и одобри негов притвор
-
Серија од 49 земјотреси во регионот на Неапол, најголем број во последните 40 години
-
Косовската полиција во филијалите на српската Поштенска штедилница во северно Косово запленила 1,6 милиони евра и 74,7 милиони динари