Груби ја повика српската заедница да се попише

Првиот вицепремиер и министер за Политички систем и односи меѓу заедниците Артан Груби денеска продолжи со средби со претставници на граѓанското општество од српската заедница во Република Македонија.

Груби, како што информираат од неговиот кабинет, на состанокот истакнал дека општеството ќе биде еднакво кога сите ќе се посветиме на правата на другите и дека Министерството што тој го води ќе остане отворено за соработка со сите заедници.

Состанокот, се вели во соопштението, имал за цел информирање за процесот на Пописот и потребата за кампања од влијателните личности за сензибилизација на заедницата за регистрација, како обврска, но и за да ги користат правата на заедниците што произлегуваат од Охридскиот договор, бидејќи на овој начин земјата ќе има поточен преглед на податоците за населението.

Соговорниците, исто така, разговарале и за начините и формите на мобилизација за да ги охрабрат граѓаните да се регистрираат во дијаспора и во земјата.