Гостиварец со мотоцикл удрил во бетонска ограда

Б.К. (22) од Гостивар, вчера околу 23 часот управувајќи мотоцикл „Хонда“ на улицата „Илинденска“ во Гостивар излетал од патот и удрил во бетонска ограда. 

Како што соопшти МВР,  во незгодата мотоциклистот се здобил со тешки телесни повреди. Тој со возило на Итна медицинска помош бил пренесен во Ургентен центар Гостивар, но поради сериозноста на повредите бил префрлен на клиника „Мајка Тереза“ Скопје.

Увид на местото на настанот извршила екипа од СВР Тетово.