Гевгелија ќе биде успешен организатор на Купот на Македонија

Завршницата на кошаркарскиот Куп на Македонија од 19 до 21 февруари ќе се одржи во Гевгелија во спортската сала „26 април“ . Во пресрет на овој настан на денешната прес конференција градоначалникот Иван Франгов истакна:

Прес конференцијата денеска е старт на завршницата на купот. Ова е финален турнир кој на едно место ќе ги собере сите најдобри кошаркарски екипи, тоа е мое големо задоволство. Гевгелија овие денови ќе биде град на кошарката, која последните години има подем во градот, пред се благодарение на КК Кожув. Нивниот пример го следи уште ден клуб од Гевгелија, Бест. Општината Гевгелија го помага спортот, а водиме грижа и за спорт. Со помош на Владата на РМ изградени се неколку спортски игралишта, а во план е изградба на нова спортска сала со капацитет од 2.000 гледачи бидејќи сегашнава е претесна за интересот. Се надевам дека ова ќе биде добар кошаркарски викенд во Гевгелија.