Гаук: Решението на бегалската криза во Европа треба да ги вклучува и САД

Германскиот претседател Јоаким Гаук изјави денеска по средбата со американскиот колега Барак Обама во Белата куќа дека е важно САД да учествуваат во решавањето на кризата со стотиците илјади сириски бегалци кои бараат азил во Европа, јави ДПА.

Гаук повика решението за кризата да се бара не само од Европа, туку и во САД.

- Германија поради историјата е подготвена да прифати овие луѓе, изјави Гаук. Германскиот претседател повика да биде најдено решение како да се помогне на бегалците од сирискиот конфликт, но и да се реши причината за овој конфликт.

На средбата на двајцата претседатели биле разгледани и опасностите од политичка нестабилност во Германија поради бегалската криза и напорите на САД за помош на сириските бегалци.