Французинот Рејмонд пред Поп Ацев до триумф на Охридскиот пливачки маратон

Французинот, Рејмонд е победник на 33-тото издание на Охридскиот пливачки маратон

 

Во конкуренција на 22 пливачи, Аксел Рејмонд го освои првото место на меѓународниот пливачки маратон во Охрид, кој е четвртата трка од Ултра Гран при серијата на ФИНА. 

 

Тој патеката „Климе Савин“ долга 25 километри, ја исплива во време 5 часа 20 минути и 55 секунди  . 

 

До својот втор триумф на Охридскиот маратон (првиот пред шест години) Французинот стигна со само 7.секунди побрзо од нашиот пливач Евгениј Поп Ацев, кој пак сега е лидер во генералниот пласман од светската серија. 

 

Зад него завршија двајцата Италијанци, минатогодишниот победник Франческо Џетини и Стокино, кој е зад Поп Ацев го Генералниот поредок

 

Кај дамите, во конкуренција на осум пливачки најдобра беше Аличе Франко од Италија

 

И годинашното издание на маратонот во Охрид беше под покровителство на претседателот на државата Стево Пендаровски, а наградениот фонд изнесуваше  15.000 долари.

 

До крајот на сезоната ќе се пливаат уште маратоните во Хрватска и Италија.