Финансиска поддршка за покриви, лифтови и фасади во општина Гази Баба
Општина Гази Баба отвори јавен повик за финансиска поддршка на покровни конструкции, лифтови и фасади на станбените згради на подрачјето на општината.
Како што информира општина Гази Баба, финансиските средства се обезбедени од Буџетот на општина Гази Баба во износ од 3.000.000 денари и ќе се користат за делумен надомест на средствата на заедниците на сопственици на посебни делови и управителите на станбените згради искористени за реконструкција на кровови, лифтови и фасади на станбените згради во износ од 30 проценти од вредноста на изведбата, но не повеќe од 300.000 денари.
Потребните документи и постапката за пријавување се јавно достапни на веб страницата на општина Гази Баба. Јавниот повик ќе трае до реализирање на средствата предвидени за оваа намена, а најдоцна до 30.09.2017 година.
Изборот, како што информираат од општина Гази Баба, ќе се врши согласно критeриум на прв дојден, прв услужен. За утврдување на исполнувањето на условите за доделување на финансиските средства формирана е Комисија, составена од претседател и 4 члена од редот на вработените во администрацијата на општината.
Ново на Сител
-
Мицкоски: Предвидени се пари за раст на платите во јавната администрација за наредната година
-
Од денеска цените на дел од прехранбените производи треба да бидат намалени
-
Повеќе лесно повредени лица во сообраќајна несреќа на крстосница на регионалниот пат Куманово-Свети Николе
-
Минималните трошоци во септември 61.306 денари, ССМ се надева дека ако се почитува одлуката на Владата, ќе се намалат трошоците за храна
-
СВР Битола поднесе кривични пријави против осум лица поради предизвикување пожари
-
Поднесено обвинение за убиството на малата Данка Илиќ
-
Поднесено обвинение за убиството на Данка Илиќ
-
Трет уписен рок за студирање на УКЛО-Битола