Филипче: Партиите без исклучок да ги почитуваат сите протоколи и мерки во кампањата
По објавениот датум за избори, Министерот за здравство Доц.д-р. Венко Филипче упатува апел до сите политички чинители за спроведување на целиот изборен процес без загрозување на здравјето на граѓаните.
„Во врска со договорениот датум за изборите би сакал да испратам порака до сите политичкки партии и чинители кои учествуваат во изборниот процес.
Барам апсолутно сите кандидати, партии, активисти, сите кои ќе бидат дел од камапањата да бидат одговорни и да ги почитуваат, без исклучок, сите протоколи за заштита од коронавирусот. Жарот на политичката битка не смее да го надвладее разумот и во ниту еден момент политиката не смее да се исправи пред здравјето на граѓаните.
Барам секоја активност да биде целосно прилагодена на препораките. Очекувам сите политички партии да постигнат согласност околу начинот на водење на кампањата каде ќе се даде целосен приоритет единствено на активности кои нема да го загрозат здравјето на граѓаните.
Уверен сум дека изборниот процес може да се организира на начин безбеден за сите учесници, а тоа е единствено можно само ако сите доследно се придржуваат до јасно пропишаните мерки на Комисијата за заразни болести.
Функционерите и лидерите на политичките партии и партиските активисти имаат обврска да бидат пример за сите за доследно придржување кон мерките за заштита на колективното здравје.
Соочени со избори во време на пандемија, како земја мора да покажеме дека сме подготвени да одговориме и на овој предизвик, да одржиме фер и безбедни избори без ниту еден ризик по здравјето на граѓаните“ – нагласува Филипче.
Ново на Сител
-
Генерал Герасимов најави продолжување на руската офанзива во Украина
-
Поради невремето нво Скопје на 112 повеќе пријави за паднати дрвја, скинати кабли на ЕВН и оштетување на приватна сопственост
-
Зеленски повика на зголемен притисок врз Путин на самитот на ШОС во Кина
-
Одбележување 40 години „Бушава азбука“
-
Градоначалникот на Чикаго до Трамп: Не сакаме тенкови на нашите улици
-
Променливо облачно со претпладневен локален дожд
-
Полицајци спречија ширење на пожар на СЦ Борис Трајковски | ВИДЕО
-
Ангелов: Сите пожари во скопскиот регион се изгаснати или ставени под целосна контрола