Евроамбасадорот Дејвид Гир ја посети општина Дојран

Во работна посета на општина Дојран денеска престојуваше  евроамбасадорот Дејвид Гир, шеф на Делегацијата на Европската Унија во земјава, кој на средбата со градоначалникот Анго Ангов беше запознат со досега реализираните проекти финансирани од фондовите на ЕУ.

За време на посетата на Дојран, евроамбасадорот Гир и градоначалникот Ангов прошетаа низ комплетно хортикултурно уредениот градски парк и ја посетија отворената летна сцена, како проекти кои се реализирани со финансиска помош од ЕУ.

– Разговаравме со евроамбасадорот Гир и за продолжување на досегашната успешна соработка со можни идни проекти кои најпрво ќе ги дефинираме како приоритетни, а потоа заеднички ќе ги реализираме за поубав и помодерен Дојран, рече градоначалникот Ангов.

Тој истакна дека со евроамбаадорот Дејвид Гир се договориле општина Дојран, како лидер во искористувањето на ЕУ-средства, да продолжи со уште поголем капацитет и интензитет да ги искористува ЕУ-фондовите.

Проектот за хортикултурно уредување на централниот дел на летувалиштето Стар Дојран е реализиран на површина од 36 000 квадратни метри.