Фудбал
22. јуни 2016 - 0:12

ЕУРО 2016: Италија против Шпанија во 1/8 финалето

По поразот од Хрватска 2:1 во послендиот натпревар од групната фаза, актуелниот европски шампион Шпанија го освои 2.место во Д групата, а со тоа „го одбра„ и потешкиот пат до финалето.
 
„Црвената фурија“ за место меќу осумте најдобри ќе треба да ја мине репрезентацијата на Италија против која ќе игра во 1/8 финалната рунда и тоа во понедленик (27 јуни) во Париз на „Стад де Франс“. 
 
Покрај овој познат е уште еден пар во првата елиминациска рунда, и тоа првиот меч според распоредот кој ќе се игра на 25 јуни (сабота), а во кој ќе се сретнат селекциите на Швајцарија и Полска. 
 
Покрај овие четири селекции, досега пласман во 1/8 финалето обезбедија и: Велс, Хрватска, Франција, Германија и Англија. 
 
Комплетните двојки за 1/8 финалето ќе бидат познати денеска по одигрувањето на дуелите од последното 3.коло во Е и Ф групите: Исланд - Австрија и Португалија - Унгарија (од 18 часот), Италија - Р.Ирска и Белгија - Шведска ( од 21 часот).