Естонија не му верува целосно на НАТО во случај на напад
Естонскиот министер за внатрешни работи Март Хелме денеска изјави дека неговата земја не е целосно уверена дека НАТО би ја одбранил во случај на напад од Русија.
Хелме во вчерашната изјава за финските медиуми истакна дека Естонија работи на „план Б“ за територијална одбрана заедно со другите балтички земји и Финска. Планот предвидува посилна соработка со Германија и со САД.
Хелме е член на екстремната десница, партијата Екре, која е дел од владејачката коалиција.
Коментарите на естонскиот министер доаѓаат неколку недели откако францускиот претседател, Емануел Макрон, отворено го доведе во прашањето членот пет на повелбата на НАТО, членот што ја гарантира солидарноста меѓу земјите сојузнички на Алијансата во случај на напад врз една или повеќе од земјите членки.
Министрите за надворешни работи на земјите членки на НАТО во Брисел денеска ќе одржат седница на Северноатлантскиот совет.
Амбасадорката на САД во НАТО, Кеј Хачинсон, вчера изјави дека за Вашингтон членот пет останува темел на Алијансата и дека не е доведен во прашање. Таа додаде дека нејзината земја не се согласува со ставот на Франција.
Ново на Сител
-
За прв пат во историјата Јувентус не загуби натпревар од Серија А, во кој заостануваше со три гола
-
Си Џинпинг и го честита на Сиљановска Давкова изборот за претседател
-
Денеска ќе се одржат погребни ритуали за претседателот на Иран
-
Падна и член на Советот на јавни обвинители, Мемети осомничен за поткупот во случајот на Боро Малборо
-
Гласаат болните, изнемоштените и затворениците пред утрешното прегласување за парламентарните избори во седум избирачки места
-
Судскиот совет му го одзема имунитетот на врховниот судија Георгиев и одобри негов притвор
-
Серија од 49 земјотреси во регионот на Неапол, најголем број во последните 40 години
-
Косовската полиција во филијалите на српската Поштенска штедилница во северно Косово запленила 1,6 милиони евра и 74,7 милиони динари