ЕП одобри 18 милијарди евра помош за Украина
Eвропскиот парламент денеска го одобри предлогот Украина следната година да добие 18 милијарди евра економска помош од ЕУ.
Европската комисија предложи Киев да ја добие сумата во еднакви делови, отплатата на заемот да започне по 10 години, а каматата да ја покриваат земјите од ЕУ.
Комисијата предвидува средствата да бидат искористени за поддршка на основните јавни потреби, вклучително и работата на болниците и училиштата, обезбедувањето засолништа и обновувањето на инфраструктурата оштетена од руските воздушни напади. Заемот се очекува да биде отплатен за 35 години.
„За исплата на заемот потребни се реформи за зајакнување на институциите на Украина и подготовка за нејзино закрепнување на патот кон членство во ЕУ“, се вели во соопштението на ЕП.
Се додава дека денешната одлука е донесена со 507 гласа „за“, 38 „против“ и 26 воздржани.
Од почетокот на војната, ЕУ обезбеди 19,7 милијарди евра за поддршка на Украина.
За заемот, одобрен од европратениците денеска, треба дополнително гласање во Советот на ЕУ на 6 декември.
Ново на Сител
-
Опожарен камион на „Чистота и Зеленило“ на депонијата Краста во Куманово
-
Приведени двајца криумчари од Албанија, пронајдени пет мигранти
-
Обвинение против 23-годишник од Волково, силувал петгодишно девојче
-
Oткупот и продажбата на земјоделските производи во третото тримесечје од 2025 година зголемени за 10,4 отсто
-
Намалено вкупното производство на шумски производи во државните шуми
-
Влада: По 15.300 денари за електронски уреди - студентите да ја искористат оваа мерка и да аплицираат навремено
-
Најмногу дожд во Лазарополе, утринските температури од 4 до 14 степени
-
Советот за безбедност на ОН одобри резолуција за мировниот план на Трамп за Газа
