ЕП одобри 18 милијарди евра помош за Украина
Eвропскиот парламент денеска го одобри предлогот Украина следната година да добие 18 милијарди евра економска помош од ЕУ.
Европската комисија предложи Киев да ја добие сумата во еднакви делови, отплатата на заемот да започне по 10 години, а каматата да ја покриваат земјите од ЕУ.
Комисијата предвидува средствата да бидат искористени за поддршка на основните јавни потреби, вклучително и работата на болниците и училиштата, обезбедувањето засолништа и обновувањето на инфраструктурата оштетена од руските воздушни напади. Заемот се очекува да биде отплатен за 35 години.
„За исплата на заемот потребни се реформи за зајакнување на институциите на Украина и подготовка за нејзино закрепнување на патот кон членство во ЕУ“, се вели во соопштението на ЕП.
Се додава дека денешната одлука е донесена со 507 гласа „за“, 38 „против“ и 26 воздржани.
Од почетокот на војната, ЕУ обезбеди 19,7 милијарди евра за поддршка на Украина.
За заемот, одобрен од европратениците денеска, треба дополнително гласање во Советот на ЕУ на 6 декември.
Популарно од Свет
Ново на Сител
-
Првпат без ниту еден прекршок за поминување на црвено светло преку „Save City“
-
Николоски: Отворени се 22 нови авиолинии што ја поврзуваат Македонија со цела Европа
-
Во затворот во Куманово се однесувале нечовечки кон сопственикот на „Пулс“, адвокатката бара префрлање во Идризово
-
Македонците онлајн плаќаат за интернет или мобилни услуги двојно повеќе од европскиот просек
-
Велика Британија од денеска ќе бара патни дозволи од 85 земји
-
Франција прогласува 294 општини за подрачја погодени од природна катастрофа
-
Турски воен авион се урна на автопатот Измир-Истанбул, загина пилотот
-
Минусни утрински температури на Попова Шапка, Маврови Анови и Охрид, во Гевгелија 10 степени
