ЕЦБ: Бугарија не ги исполнува критериумите за еврозоната

Бугарија и другите шест земји, кои се кандидати за пристапување кон еврозоната, не ги исполнуваат условите за членство, пишува во соопштението на Европската централна банка, пренесува бугарскиот весник „Труд“

- Бугарија, Чешка, Хрватска, Унгарија, Полска, Романија и Шведска ги исполнуваат повеќето од економските критериуми, но никоја од нив не ги исполнува сите барања кои се предвидени во договорот, вклучително и оние за правна конвергенција, посочуваат од ЕЦБ, дополнувајќи дека ниту во една од седумте земји правната рамка не одговара целосно на сите барања за влез во зоната на единствена валута. 

Од банката истакнаа дека „ќе помине време пред еврозоната да вклучи уште членки, кои ќе се придружат на сегашните 19 земји“.