Џонсон: Русија е најголема закана за безбедноста на Велика Британија
Русија останува „најакутна директна закана” за Велика Британија, според владин извештај објавен денеска, во кој е истакната лондонската политика за безбедност после Брегзит, вклучително и зголемување на нуклеарните резерви.
Во извештајот „Интегриран преглед” на Борис Џонсон, најголемиот преглед на надворешната и одбранбената политика на Велика Британија од крајот на Студената војна, премиерот ветува дека Велика Британија ќе остане дел од НАТО и оти ќе работи со „сојузниците и партнерите” за решавање на предизвиците за безбедноста во „физичкиот свет” и онлајн.
– Велика Британија ги почитува луѓето, културата и историјата на Русија. Сепак, сè додека не се подобрат односите со нејзината влада, ние активно ќе го одвраќаме и браниме од целиот спектар на закани што произлегуваат од Русија, се вели во документот.
Ќе продолжиме да го надминуваме упатството на НАТО за трошење на два проценти од бруто домашниот производ (БДП) за одбрана и да ги употребуваме нашите нуклеарни и одбранбени кибер способности за одбрана на сојузниците, стои во текстот.
Стратегијата исто така го истакнува планот за проширување на британскиот нуклеарен капацитет во обид да се заштити домашната безбедност, зголемувајќи го бројот на нуклеарните боеви глави од 180 на 260
Велика Британија, исто така, ќе се обиде да го прошири своето влијание во рамките на земјите во Индо-пацифичкиот регион поради глобалната доминација на Кина, што има „големи импликации” врз британските вредности и интереси, се наведува во извештајот.
Ново на Сител
-
Претседателката Сиљановска Давкова помилуваше пет лица
-
Тошковски: Исплатена бонус плата за 2023 година, право кое го оствариле 5.635 вработени во МВР
-
Средба на Сиљановска Давкова со Вучиќ на Илинден во Св.Прохор Пчињски
-
Муртези: Прашањето за формирање на албанска академија е чувствително, но „Вреди“ нема да ги прилагодува програмските заложби заради личен комфор во Владата
-
За празникот сончево и многу топло, до 40 степени, попладне краткотрајно невреме
-
АХВ: Потенцијално небезбедните коцки за супа не се пуштени во промет, спроведен е вонреден инспекциски надзор
-
Јавното обвинителство на увид во Институтот за јавно здравје, се испитува дали има обележја на кривично дело
-
Управните служби и утре ќе ги издаваат готовите лични документи на граѓаните