Државниот инспекторат за земјоделство фати 28 рибокрадци
При вонреден инспекциски надзор од Државниот инспекторат за земјоделство фатени се 28 лица како вршат рекреативен риболов на клен и крап во близина на вливот на Беличка река во река Треска и кај рекреативната зона „Акумулација Козјак” во време на забрана за лов. Притоа одземени се и девет рибарски мрежи со вкупна должина од повеќе од 500 метри.
Како што соопшти Државниот инспекторат за земјоделство, вонреден инспекциски надзор е извршен на 13 и 14 мај годинава на риболовниот ревир „Треска 2”, на потег околу вливот на Беличка река во река Треска и рекреативната зона „Акумулација Козјак” по целокупната брегова линија.
Во акцијата е одземен риболовен алат, мрежи и риби, кои со потврда за привремено одземени предмети се на чување во ЈПУЗПП „ЈАСЕН”.
Државниот инспекторат за земјоделство, исто така, ги информира сите риболовци во Македонија дека е неопходно да го почитуваат Законот за рибарство и аквакултура и неговите подзаконски акти, како и да се придржуваат на забраните за риболов поради мрестот на рибите.
Ново на Сител
-
Се санираат последиците од невремето во Тетово и Скопје, бројни пријави за претпрена материјална штета
-
Успешна мисија: Спасено 16-годишно девојче кое паднало во дол
-
На Табановце се чека 15 минути, на другите гранични премини нема подолги задржувања
-
Собранието ќе ги пополни местата на пратениците кои станаа министри
-
Асанж пуштен од затворот во Велика Британија
-
Почнува собраниската постапка за дополнување на Законот за енергетика за да се намали цената на струјата од 1 јули
-
Официјално претставување на проектот за развој на парк на ветерници, вреден над 500 милиони долари
-
Македонија трета во Европа според стапката на смртни случаи од огнено оружје