Државите од Западен Балкан учат за примена на ИКТ технологии во земјоделството
Претставници од Македонија, Србија, Црна Гора, Албанија и Босна и Херцеговина учествуваат на Регионален форум за е-земјоделство што се одржува во Нови Сад во организација на ФАО.
На тридневниот форум ќе се разговара за тоа како со примената на информатички и комуникациски технологии можат земјоделството и производството на храна да бидат поефективни, побезбедни, еколошки здрави и профитабилни за земјоделците.
- Земјоделците можат добро да ги искористат информатичките и комуникациските технологии во планирањето, производството и маркетингот на нивните производи, вели Невена Александрова-Стефанова, службеник од ФАО за земјоделски иновациски системи и размена на знаење.
Таа додава дека придобивките од технологијата не доаѓаат сами по себе, туку се потребни соодветни политики, инфраструктура и регулативи со цел сите да имаат еднаква корист и никој да не биде изоставен.
Од ФАО ги поттикнуваат државите да развијат стратегии за е-земјоделство, како и патоказ за имплементација. Ова како пилот проект веќе е спроведено во регионот на Азија и Пацификот, како и во Албанија, каде што беше развиен едношалтерски систем во рамки на проект на ФАО.
Е-земјоделството подразбира дизајнирање, развивање и примена на иновативни начини за користење на информатички и комуникациски технологии во руралниот домен.
Ново на Сител
-
ДИК: Oбработени 96,37% од гласовите, Силјановска Давковa 351.826 - Пендаровски 174.658
-
ДИК: Oд обработени 90,18% oд гласовите Силјановска Давкова 325.150, Пендаровски 162.062
-
Ковачевски: Знам дека многу наши поддржувачи се разочарани, но сега не е време за откажување
-
ДИК: Oд обработени 87,17% oд гласовите Силјановска Давкова 315.638, Пендаровски 156.406
-
Мицкоски: Победуваме со над 170.000 гласа разлика
-
Пендаровски: Резултатите не се такви какви што ги очекувавме
-
Пендаровски: Резултатите не се такви какви што ги очекувавме
-
Димитриевски: Испишуваме историја, се роди 3-тата политичка сила во македонскиот политички блок