„Драг наш, онаа песна во нас, никогаш повеќе иста“ -Зборовите со кои колегите се простија од Глоговац го параат срцето

Актерот Небојша Глоговац почина во петокот на 9. февруари по тешка болест и ќе биде погребан денеска во Алејата на заслужните граѓани на Новите гробишта во Белград.

Прераната смрт на актерот остави празнина меѓу колегите кои не можат да прежалат што ги напушти така голем актер и човек.

Погодени од загубата на пријателот со кој студираа на Факултетот за драмски уметности, колегите од класата објавија потресен некролог.

„Драг наш, онаа песна во нас, никогаш повеќе иста - му порачаа Наташа Нинковиќ, Нела Михајловиќ, Данијела Угриновиќ, Данијела Кузмановиќ, Каролина Цимеша, Војин Ќетковиќ, Сергеј Трифуновиќ и Борис Пинговиќ.

Некролог за големиот актер даде и матичната куќа.