Донарума напиша проштално писмо на навивачите на Милан
Поранешниот голман на Милан, Џанлуиџи Донарума, кој е близу до трансфер во ПСЖ, објави проштално писмо до навивачите на „росонерите“.
– Понекогаш е тешко да се направи избор, но тоа е дел од развојот на една личност. Дојдов во Милано скоро како дете. Осум години со гордост го носам овој дрес. Се боревме, издржавме, победувавме, плачевме, се радувавме заедно со нашите соиграчи и тренери. Секој што го сторил ова, како и нашите фанови, исто така бил составен дел од нашето семејство со текот на годините.
Во дресот на „росонерите“ постигнав и важни лични достигнувања, како што беше моето деби во Серија А на 16 години. Овде поминав прекрасни години кои никогаш нема да ги заборавам.
Сега е време да се разделиме. Понекогаш промената е исправна. Преземам нови предизвици за развој и усовршување.
Сите „росонери“ што ги сретнав од првиот до последниот ден во клубот засекогаш ќе останат во моето срце како важен и вистински фундаментален дел од животниот пат, благодарение на што станав она што сум денес.
Му посакувам успех на Милан и го правам тоа искрено со сето свое срце. Љубовта кон овие бои и ова чувство не подлежи ниту на далечина ниту на време, напиша Донарума.
Дваесет и двегодишниот голман во неделата беше прогласен за најдобар играч на Европското првенство кое го освои италијанската репрезентација.
Ново на Сител
-
Од ноќеска нестабилно со пороен дожд и грмежи и услови за краткотрајно невреме, особено во четврток
-
Митевски: Најдоцна до крајот на септември зонско паркирање во Ново Лисиче и Реонски центар
-
Поевтинуваат бензините и дизелот
-
Повторно поставен споменикот на Андон Лазов-Ќосето
-
Изминатиов викенд 1148 сообраќајни прекршоци на територија на цела држава, 458 за брзо возење
-
Македонски боксерски судија нападнат во ринг од страна на азербејџански тренер | ВИДЕО
-
Орбан: Трговскиот договор меѓу ЕУ и САД е полош од оној со Британија
-
Де Вевер: Нема причина за славење поради трговскиот договор ЕУ-САД