Донација на заштитна опрема од МВР за Општата болница во Куманово
Министерот за внатрешни работи, Наќе Чулев во присуство на началникот на секторот за внатрешни работи од Куманово, Антон Витков, денеска предаде заштитна опрема на Општата болница во Куманово, составена од заштитни одела, визири, ракавици и маски кои Министерството за внатрешни работи ги доби од Словенија и Унгарија.
Чулев појасни дека преку оваа донација дава поддршка на докторите и сите здравствени лица во извршување на своите секојдневни обврски и задачи, и им изрази благодарност и почит за својата посветеност и пожртвуваност.
-Свесни сме за ризикот на кој тие се изложени секојдневно, но и нивната важност и значајност во овој момент и во таа насока и во иднина со сите расположливи капацитети ќе им бидеме од целосна помош и поддршка. Меѓусебната и меѓуинституционална поддршка е клучна во време во кое сите водиме тешка битка со невидлив непријател, истакна министерот Чулев при предавањето на донацијата.
Директорката на Општата болница Куманово, Снежана Захариева се заблагодари за донацијата и истакна дека таа доаѓа во вистински момент кога здравствените работници секојдневно ги водат најтешките битки.
Ново на Сител
-
Мицкоски утре до Собранието ќе го поднесе составот на новата Влада - Гласање викендов
-
Од први септември градежните компании ќе работат по европски стандарди - Ќе поскапат ли становите?
-
Младите со акција за заштита на Охридското Езеро од отпад
-
Преглед на вестите од светот
-
ВМРО-ДПМНЕ на седници на Извршниот и Централниот комитет ги утврдува предлозите за министри од својата партија
-
Тема на денот со воениот аналитичар Милан Стефаноски
-
Наместо во подземни контејнери штипјани сметот го одлагаат врз нив
-
ВМРО-ДПМНЕ на седници на Извршниот и Централниот комитет ги утврдува предлозите за министри од својата партија