ДОМ на конференцијата „Зелена мобилност за здрави градови” во Рим

Делегација на ДОМ учествува на конференцијата „Зелена мобилност за здрави градови” во Рим.

Целта на конференцијата што ја организраат Европските зелени, е споделување на најдобрите европски искуства во намалувањето на аерозагадувањето и подобрување на мобилноста во градовите.

Според ДОМ, зелени, пријатни и чисти градови мора да станат вистински политички приоритет. Со подобар јавен транспорт може да се намали сообраќајниот метеж, аерозагадувањето и загадувањето од бучава.

- Последниве децении станува се поважно како да се „зазеленат” градовите, зашто преку 50 отсто од популацијата живее во градови. За таа цел, се смени пристапот во просторното планирање и урбанизмот, па така слободниот простор, зеленилото, просторите за рекреација, пешачките и велосипедските патеки станаа императив во проектирањето и градењето. Секоја година се води силен натпревар помеѓу европските градови за престижната титула  „зелен град”, зашто тоа му дава поголема вредност на градот во секоја смисла и во поглед на квалитетот на живот на жителите и во поглед на развојот на туризмот, наведува ДОМ.