До темел изгоре куќа на старица од Крива Паланка
Домот на 80-годишната М.С. од Кривопаланечкото село Дурачка Река денеска изгоре до темел откако претпладнето во него избувнал пожар.
Пожарот го гаснеле петмина пожарникари од Територијалната противпожарна единица од Крива Паланка, со три возила. Сопственичката била кај роднини во соседството во моментот кога избувнал пожарот.
– Дојавата за пожар е примена пет минути пред десет часот претпладнево, а нашите екипи пристигнале во местото викано Метов, каде се наоѓа куќата, околу 10:20 часот. Интервенираа пет пожарникари со три возила, една цистерна и две теренски возила. Станува збор за непристапен терен, а пламените јазици многу брзо ја зафатиле целата куќа. Според очевидците, пожарот избувнал околу 9:20 часот, така што веќе еден час до нашето пристигнување куќата гореше. За среќа, немаше никој во неа, сопственичката била во соседството, а успеавме да спречиме пожарот да се доближи до двете блиски плевни и уште една куќа, изјави Иле Коцевски, командир на ТППЕ – Крива Паланка.
Тој посочи дека настаната е голема материјална штета од околу два милиони денари, а жената е без покрив над главата.
– Пожарот е локализиран околу 11:30 минути часот, а целосно беше ликвидиран во 14:30 часот. Најверојатно причина за појава на пожарот е неисправна електрична инсталација, но за сигурно ќе се утврдува допрва, додаде Коцевски.
Ова е втор пожар од почетокот на месецот во Крива Паланка. Првиот се случил на втори јули, на отворено во селото Трново.
Коцевски апелира граѓаните во овој летен период да бидат крајно внимателни при движење во шума и на отворен простор, да ги почитуваат мерките за забрана на палење оган на отворено за да се зачува безбедноста на домовите и шумите.
Ново на Сител
-
Средба Гаши - Лудва: За Чешка од посебно значење е интегрирањето на земјите од Западен Балкан
-
Кривична пријава за „предизвикување општа опасност“ против полициски служеник во Струмица
-
Жената врз која падна дрво во Скопје не е во животозагрозувачка состојба
-
Пожарникари со пет противпожарни возила гаснат опожарени отпад и сува трева кај Кванташки пазар
-
ЦУК информира за штетите предизвикани од невремето кое го зафати попладнево Скопје – паднати дрвја, оштетени возила и кровови, откачени кабли од бандери
-
Владата одлучи - ќе се враќа оградата околу владината зграда
-
Владата именува нови директори на неколку државни институции
-
Оливер Миланов именуван за директор на Агенција за Храна и Ветеринарство