До 17 часот во Битола гласале 50 отсто од избирачите

Во општина Битола до 17 часот на 170-те гласачки места гласале 50 проценти од избирачите. Претседателот на ОИК-Битола Зоран Насев потврди дека гласањето се одвива без пречки, а право на глас имаат 83.616 лица.

Општинските изборни комисии во Демир Хисар, Новаци и Могила потврдија дека денешните локални избори на сите избирачки места се одвиваат демократски, непречено и без проблеми.

Во општина Демир Хисар до 17 часот на 36 избирачки места гласале 66 отсто од 7.311 полнолетни граѓани со право на глас.

На подрачјето на општина Новаци се гласа на 24 избирачки места, а до 17 часот гласале 64 отсто од полнолетните граѓани.

Во општина Могила се гласа на 23 избирачки места. До 17 часот гласале 50,05 отсто од 5.520 жители со право на глас во таа локална самоуправа.