Со жреб по случаен избор на денешната седница, што беше отворена за медиумите, Бајрами беше избран заменик претседател на Државната комисија за спречување на корупцијата.
На крајот на седницата Бајрами кажа дека не крие ништо, бидејќи целата постапка била транспарентна. Конкурирав, рече, затоа што конкурсто беше јавен како и постапката, и затоа што имам имам искуство кое можам да го пренесам. Тој додаде дека доколку почувствува дека не може да направи доволно или е пречка за комисијата може да се изземе или повлече.
-Можам да ви гарантирам, не сум по партсика линија тука. Не не сум ничиј линк. Жена ми работи во приватен сектор, син ми се отсели од државата поради ова што се случува. Не сум тука да им служам на политичките партии. Пливав во тие води и последните десет години се обидувам строго со никого да не контактирам. Следете ме и држете ме за збор. За мене нема блиски роднини или пријатели, не може никој да влијае, рече Бајрами.
