Директните ефекти од царините на Трамп ќе бидат мали, но ќе се одразат врз македонската економија

Неочекувани и изненадувачки се високите царини кои Трамп и ги наметна на земјата. Директните негативни ефекти можеби нема да бидат големи, затоа што трговската размена со САД е мала, но индиректните нема да ја остават Македонија имуна на случувањата.

Први на удар ќе бидат компаниите кои произведуваат автомобилски делови, тексилната индустрија, фирмите кои даваат услуги за САД, но ќе се намалат и странските инвестициии од оваа земја, кои се најчесто од македонските иселеници и дознаките од странство.

-Извозот не е толку голем – 110 милиони евра. Меѓутоа, секако ќе влијае врз одредени компании, не очекувам дека тоа во моментов би го намалило доаѓањето на странските инвеститори, но, би рекла дека поголем е индиректниот ефект, односно ефектот што нашите компании го имаат преку извоз на одредени производи кон ЕУ, а потоа од ЕУ кон Америка. Исто така мислам дека ќе доведе до намалување на идни можни инвестиции од САД, особено зборам за нашата дијаспора од САД, којашто се почесто почна да отвара свои компании во Македонија, коишто примарно се со цел извоз во САД- вели Никица Мојсовска Блажевска, извршна директорка на Македонија 2025.

-Воведувањето на царините од страна на американската администрација ќе има значителен импакт особено кон земјите членки на ЕУ, а кај нас ефектите ќе бидат малку пролонгирани., додава Катерина Бошковска, претседател на Европска бизнис асоцијација.

Економистите се чудат како е дојдено до царинската тарифа од 33%, затоа а што Македонија има дефицит кон САД, односно извезува 110 милини евра, а увозот е околу 180 милиони, додека Трамп прикажува како да имаме суфицит со САД. Бараат Владата веднаш да реагира и да бара преиспитување на царинските стапки.

-Мора Владата веднш да направи кост бенефит анализа. Соединетите Американски држави кажаа дека оставаат простор, не да се зголемуваат одредени  царински стапки, како што е најавено од одредени земји како Јапонија, Јужна Кореја и Евроспката Унија, туку да да намалат. Да видиме што е она на што ни забележуваат дека е трговска бариера и да реагираме, односно да бараме пресипитување на тарифите. Трамп таква можност остави, вели Трајко Славевски, универзитетски професор

Од Владата одговорија дека веќе имаат подготвен план за надминување на ситуацијата.  Контактите со американската администрација се  воспоставени  и ќе продолжат на високо ниво, а Владата ќе работи на изноаѓање решение  и на спроведување на планот.  Царините нема да имаат  голем импакт врз нашата економија,  и затоа од  владата  побараа да не се паничи, ниту да се носат избрзани реакции и заклучоци.

Најдолем дел од странските комапнии кои работат во ТИР зоните се од автомобилската индсутрија и најчество нивните производи  завршуват на европските пазари.. Ако овој сектор биде  серизоно погоден  од американските  царини, побарувачката за македонски производи мое да се намали, однсно да има  негативни последици врз домашната економија, вели првиот човек на ТИРЗ Димовски..

Трговските препреки можат да се одразатна економиите во регионот. Растот на европската економија би се намалил  за половина процентен поен  на краток рок, но за толку би се зголемила и инфлацијата, соопштуваат од Народната банка. За намалување на ризиците, потребни се претпазливи макроекономки политики и засилување на структурните реформи, за да се зголеми отпорноста од надворешните шокови и да се забрза доходовната конвергенција.