Дипломатската служба на ЕУ ќе потроши 2,9 милиони евра на луксуз
Европската надворешно-политичка служба - дипломатијата на Европска унија планира приеми во императорски стил поради што нарача луксузни сервиси од порцелан, сребро и кристал во вредност од 2,9 милиони евра, објави британскиот весник „Телеграф“.
Весникот наведува дека со сервисите ќе може да се послужат 3.360 гости во централата на Европската надворешнополитичка служба во Брисел и во 140 нејзини претставништва во светот.
На секоја од чиниите, чашите и приборите ќе има златна гравура со знамето на ЕУ.
Службата е формирана со Договорот од Лисабон во 2009 година, а со неа раководи Федерика Могерини. Службата има персонал од 3.400 луѓе, десетици воени и цивилни мисии во целиот свет и буџет од 793 милиони евра. Службата беше во центарот на преговорите за иранската нуклеарна програма. Сега се подготвува за воена операција против илегалната трговија со луѓе во Либија.
Ново на Сител
-
Пожар зафати куќа во неготинско Долни Дисан
-
Врховен задутре ќе одржи јавна седница по жалбата на таткото на Вања против мерката притвор
-
Минималната синдикална кошница за април 60.212 денари, зголемена за 1.214 денари во однос на март
-
Цената на лебот засега е стабилна и нема да се менува, велат од Агро-бизнис комората при ССК
-
МВР, ЈО и АНБ комплетно подготвени за претстојните претседателски избори
-
Инаугурацијата на Путин ќе се одржи на 7 мај
-
Шојгу: Русија ќе ги интензивира нападите врз складишта со западно оружје во Украина
-
Просечната плата во февруари изнесува 39.276 денари