Преглед на вестите од светот

Претседателот на САД, Доналд Трамп, во средата изјави дека по телефонскиот разговор со Путин може да се одржи трилатерална средба со рускиот претседател Владимир Путин и украинскиот претседател Володимир Зеленски. Трамп и Путин имале телефонски разговор што траел еден час за прекин на конфликтот во Украина.

Имавме одличен разговор. Тој сака да склучи договор. И ако Зеленски сака да склучи договор, тоа би било многу убаво. 
Задоцнувањето е што двајца луѓе се мразат едни со други. Мислам дека повеќе од сè друго се двајца луѓе кои се мразат едни со други. 
Затоа што разговарам со луѓе. Тоа е сè што правам. Разговарам со луѓе целиот мој живот. Знам за договори и ова се двајца луѓе кои се уморни од борби. 
Може да се случи. Имавме добар разговор. Може да се случи.“
Трамп изјавата ја даде пред заминувањето за Далас на Конвенцијата на Републиканците . Разговорот се одржа откако високите американски претставници Стив Виткоф и Џаред Кушнер имаа средби со Путин во Москва и со Зеленски во Киев.
И Русија и Украина објавија тридневна пауза во непријателствата околу Киев и Москва пред прекинот на огнот нагло да заврши, а борбите да продолжат кратко потоа.
Портпаролот на Кремљ, Дмитриј Песков, изјави дека Русија е подготвена да се врати на преговорите Украина-Русија-САД, потврдувајќи дека сите страни имаат заедничка волја и политичка посветеност за продолжување на преговорите. Тој, исто така, предупреди дека е малку веројатно да се формулира итен план за завршување на конфликтот. Русија ќе продолжи да одржува контакт со САД, а работи и на размена на затвореници со Украина, рече тој.

Но на фронтот е сосема поинаку. Во напад со руски дрон врз трговски центар во северниот украински град Суми во средата загинаа три лица, а беа повредени две, изјави регионалниот гувернер Олех Грихоров. Работа на терен имаа спасувачките екипи и пожарникарите.  Суми и околниот регион долж руската граница долго време се предмет на напади, а Москва изјави дека сака да воспостави тампон зона во областа.

Генералниот секретар на ОН, Антонио Гутереш, е длабоко загрижен за најновата ескалација околу Ормускиот теснец, изјави неговиот портпарол Стефан Дужарик во средата. Тензиите меѓу Иран и САД ескалираа во Ормускиот теснец, бидејќи Техеран нападна американски бродови и бази, додека Вашингтон уништи ирански танкери за нафта, зголемувајќи ги стравувањата од поширока војна на Блискиот Исток.
Гутереш ги повикува страните целосно да ги искористат дипломатските канали и да ги решат проблемите преку дијалог и преговори. Секретаријатот на ОН е подготвен да ги поддржи сите веродостојни напори насочени кон деескалација и сеопфатно и трајно решение, рече тој.
Во врска со претходно предложениот план на ОН за безбедно поминување на ѓубрива и сродни суровини низ Ормутскиот теснец, Дужарик рече дека консултациите се во тек. Вистинската имплементација на овој план зависи од тоа дали сите страни вклучени во овој конфликт се подготвени да го остават да продолжи.
Ормутскиот теснец е витална глобална поморска транспортна рута. Тековните тензии во регионот ги зголемија ризиците поврзани со транспортот на храна, енергија и други основни залихи.