Демонстрантите не отстапуваат пред полицијата на мостот „Амбасадор“, што го блокира сообраќајот меѓу САД и Канада
И синоќа продолжија судирите меѓу канадската полиција и демонстрантите, кои го блокираа клучниот мост кон САД, и тоа повеќе од седум часа откако властите во воведоа вонредна состојба и одлучија да ја прекинат блокадата на овој важен трговски коридор.
Демонстрантите против строгите владини ограничувања наметнати од пандемијата, го зазедоа и пет дена го држат под блокада мостот „Амбасадор“, нарушувајќи ја меѓународната трговија.
Со своето однесување тие го предизвикаа претседателот Џо Бајден да ги повика на прекин на опсадата, но се уште нема сигнал дека сообраќајот може да продолжи и дека овој важен трговски коридор ќе почне да функционира.
На мостот „Амбасадор“, најфреквентниот копнен граничен премин во Северна Америка, до вчера, петти ден по ред, нема никаков сообраќај.
Околу 15 камиони, автомобили и комбиња го блокираа сообраќајот во двата правци, оневозможувајќи го синџирот на снабдување за производителите на автомобили од Детроит.
„Ги повикуваме сите демонстранти да се однесуваат мирно и во согласност со законот“, предупреди полицијата од Виндзор на Твитер.
Демонстрантите поставија шатори и скари во близина. И иако полицијата успешно ги потисна демонстрантите од долниот дел на мостот „Амбасадор“, во меѓувреме им се придружија повеќе истомисленици на протестот.
Полицијата во Отава вчера соопшти дека чека засилување за да стави крај на оваа „незаконска окупација“.
Канадските протести ги инспирираа демонстрантите да организираат слични блокади на конвои во САД, Франција, Нов Зеланд и Австралија.
Ново на Сител
-
Барак и Мишел Обама се вклучија во кампањата на Камала Харис за избор за претседател на САД
-
Четворица работници повредени во ескплозија во погонот за артилерија во фабриката Слобода во Чачак
-
По повод 20-годишнината, НЕОТЕЛ воведува нов пакет за деловни корисници со брзина до 500 Mbps
-
Мицкоски: Не очекувам да има турбуленции и позначителни потреси на пазарот со електрична енергија во земјава
-
Сведок во судењето за убиството и Вања и Панче: Запалениот цитроен „цитроен“ не донесе до пик-ап возилото и партијата „Десна“
-
Викендов променливо облачно време, од недела минусни температури
-
Ден на жалост во Велес, двајцата повредени во сообраќајката и натаму во критична состојба
-
Мицкоски најави нови германски инвестиции, очекува растот на БДП да надмине три отсто