Македонија
7. September 2018 - 15:16

Делчево одбележува 74 години од ослободувањето

Делчево денеска одбележува 74 години од ослободувањето и 27 години од независноста на Република Македонија.
 
Пред споменикот на паднатите борци во центарот на градот цвеќе положија делегација од општина Делчево предводена од градоначалникот Трајковски и министерот без ресор Аксел Ахмедовски, претставници на Советот на општина Делчево, на политички партии, институции и здруженија на граѓани.
 
На шест заслужни граѓани им беа доделени општинските награди „7 Септември“, како и награди за најубаво уреден двор.
 
На свечена седница на општинскиот совет градоначалникот на Делчево Горан Трајковски истакна дека се стремат за градење модерна и просперитетна оштина по европски терк.
 
- Сакаме иднина во која ќе ја донесеме Европа овде, дома, а не, ние и нашите деца да трагаат по овие стандарди во Европа. Во едно такво општество, ќе го градиме Делчево по европски терк. Тоа е мојата визија и борбата на мојата генерација истомисленици. Европско Делчево со сите нишани, од инфраструктура, до квалитет на животот, рече Трајковски.
 
Свеченоста продолжи со настап на децата од детската градинка Весели Цветови, рецитал подготвен од учениците од двете делчевски деветолетки како и концерт на делчевските уметници Дејан Ѓеоргиевски - Ѕене на пијано и Горан Ќурчески на тромбон.
 
По повод ослободувањето на Делчево, вечер во салата на Спомен дом АСНОМ ќе се одржи концерт на италијански канцони од тенорот Влатко Груевски, со пијано придружба на Андреј Наунов.

Популарно од Македонија

Ново на Сител

© 2025 Сител Телевизија