Даунинг стрит 10: Џонсон не го споредил Оланд со нацистите
Британскиот министер за надворешни работи Борис Џонсон, не го спореди францускиот претседател Франсоа Оланд со нацистите, соопшти Даунинг стрит 10.
Демантот на кабинетот на британскиот премиер Тереза Меј доаѓа по изјавата на Џонсон во која тој го предупредува претседателот Оланд да не се „удира“ по Велика Британија во стилот на казнувањата спроведувани во текот на Втората светска војна.
Неговата изјава предизвика бурна реакција во британската проевропска политичка јавност и кај домашната опозиција.
Лабуристичката партија ја оцени изјавата како „груба и глупава“ додека британските либералдемократи сметаат дека станува збор за „непримерна и одвратна“ споредба од шефот на британската дипломатија.
Портпаролот во Даунинг стрит 10, меѓутоа, инсистира дека францускиот претседател не бил споредуван со нацистите и дека она што го рекол министерот Џонсон е само „театарски опис“ на една можна ситуација.
Претходно, Франсоа Оланд реагирајќи на говорот на Тереза Меј во Лондон, во кој таа првпат соопшти дека Велика Британија не само што излегува од ЕУ, туку дека ќе го напушти и заедничкиот европски пазар, изјави во Париз дека Велика Британија не може да добие подобар договор со ЕУ, доколку одлучи да се повлече од заедничкиот пазар, од оној што би го имала доколку остане во него.
Членот на преговарачкиот тим на Европската комисија, Гај Верхофстад ја осуди изјавата на шефот на британскиот Форин офис и побара од Тереза Меј и таа да ја осуди изјавата.
- Еве го Борис Џонсон со уште еден длабоко некорисен коментар, напиша Верхофстад на Твитер.
Во текот на кампањата за референдумот за ЕУ во Велика Британија, во јуни минатата година, Џонсон го осуди целиот проект на ЕУ и со спореди со проектот за Европа од времето на Адолф Хитлер.
Ново на Сител
-
Аналитички центар на Сител: Пресек на излезност до 18:30 часот
-
Аналитички центар на Сител: Пресек на излезност до 15 часот
-
Аналитички центар на Сител: Пресек на излезност до 13 часот
-
Просечна излезност до 11 часот
-
ОБСЕ: На крајот на денот ќе оцениме како се одржало гласањето
-
Аналитички центар на Сител: Просечна излезност до 9 часот
-
Министерот се премисли: Основците нема да одат на училиште во сабота
-
Агресијата кај учениците е резултат на целокупната состојба во државата