Далиќ: Заслужено сме во осминафиналето, сега ги чекаме хрватските навивачи
Хрватскиот селектор Златко Далиќ им честиташе на своите фудбалери за пласманот во нокаут фазата на ЕУРО2020, оценувајќи дека „коцкестите“ апсолутно доминирале во синоќешниот триумф од 3:1 над Шкотска во Глазгов.
– Им честитам на моите момчиња на одлично одиграниот натпревар и пласманот во осминафиналето. Овој натпревар беше голем тест, пред сè за мене, а потоа и за сите останатите, да останеме мирни и сталожени, изјави по натпреварот Далиќ.
Хрватска во осминафиналето ќе игра во Копенхаген на 28 јуни од 18 часот, а противникот ќе го дознае денеска. За пласман во четвртфиналето потенцијални противници на Хрватите се репрезентациите на Шведска, Словачка, Шпанија или Полска.
– Не ми е важно кој ќе ни биде следен противник. Тоа што го посакувам за осминафиналето е да имаме голем број hрватски навивачи на трибините. Со нив сме посилни, додаде Далиќ.
Пласман во осминафиналето како првопласирани во групата Д обезбедија Англичаните по триумфот над Чешка од 1:0, а за противник на „Вембли“ во Лондон на 29 јуни од 18 часот ќе ја имаат репрезентацијата која ќе заврши второпласирана во групата Ф, во која се Португалија, Германија, Франција и Унгарија.
Ново на Сител
-
1300 евра казна за камиони кои со кал на гумите се вклучувале во сообраќај од градилиште во Аеродром
-
Од 110.000 на 50.652 – бројката на регистрирани сообраќајни прекршоци преполовена за еден ден
-
Стевче Трпковски нов директор на „Дрисла“, Владимир Кроневски на „Градски паркинг“
-
Еве како се шверцуваат цигари во камиони на ГП Ново Село | ВИДЕО
-
Дечињата од кикбокс клубот Fight Gym M4 со 9 медали на „PHX CUP Germany 2025“
-
Приведени четири украинки во полициска акција во тетовско, престојувале спротивно на целта
-
Возило изгоре после сообраќајка во близина на Кичево, тешко повредено 6-годишно девојче
-
Кривична за двајца струмичани, на сила одзеле 14.000 денари од 82-годишно лице
