Далиќ: Заслужено сме во осминафиналето, сега ги чекаме хрватските навивачи
Хрватскиот селектор Златко Далиќ им честиташе на своите фудбалери за пласманот во нокаут фазата на ЕУРО2020, оценувајќи дека „коцкестите“ апсолутно доминирале во синоќешниот триумф од 3:1 над Шкотска во Глазгов.
– Им честитам на моите момчиња на одлично одиграниот натпревар и пласманот во осминафиналето. Овој натпревар беше голем тест, пред сè за мене, а потоа и за сите останатите, да останеме мирни и сталожени, изјави по натпреварот Далиќ.
Хрватска во осминафиналето ќе игра во Копенхаген на 28 јуни од 18 часот, а противникот ќе го дознае денеска. За пласман во четвртфиналето потенцијални противници на Хрватите се репрезентациите на Шведска, Словачка, Шпанија или Полска.
– Не ми е важно кој ќе ни биде следен противник. Тоа што го посакувам за осминафиналето е да имаме голем број hрватски навивачи на трибините. Со нив сме посилни, додаде Далиќ.
Пласман во осминафиналето како првопласирани во групата Д обезбедија Англичаните по триумфот над Чешка од 1:0, а за противник на „Вембли“ во Лондон на 29 јуни од 18 часот ќе ја имаат репрезентацијата која ќе заврши второпласирана во групата Ф, во која се Португалија, Германија, Франција и Унгарија.
Ново на Сител
-
Собранието одлучи: Анкетна комисија за Кочани, модуларната, Беса Транс и Дурмо Турс
-
Возачите сами почнаа да ги обележуваат Safe City камерите на апликации
-
Филипче останува единствен функционер во СДСМ, вели дека лично ќе го води процесот на партиски реформи
-
ИПАРД фондовите во фокус на партиските обвинувања и злоупотреби
-
Сиљановска: Без гаранции не може од Македонија да се бараат нови уставни измени
-
Муцунски во Брисел на состанок со шефовите на дипломатите на земјите членки на НАТО
-
Повеќе од 200 компании се вмрежуваа на бизнис форумот Македонија-Србија
-
Сител сторија: Меѓународен ден на лица со попреченост - Предизвици на децата и родителите
