ЦУК: Три пожари на отворено, во нива пронајдена граната
Три пожари на отворено се евидентирани изминатото деноноќие, како и пријава за пронајдена граната во нива крај стариот пат Градско - Неготино, информираат утрово од Центарот за управување со кризи (ЦУК).
- Депонија горела во општина Центар кај месноста „Автополигон“ под Кале. Ниска вегетација горела кај селото Горно Оризари во општина Битола. Додека пак, сено горело во регионот на село Пеширово, општина Свети Николе, појаснуваат од ЦУК, додавајќи дека сите пожари се изгаснати.
Попладнето на 112 била добиена пријава за пронајдена граната.
- Таа била на 50 метри зад фирмата „Гулф БС“, крај стариот пат Градско кон Неготино. Повикувачот ја пронашол во негова нива. По вчерашната координација на ЦУК со субјектите од Системот за управување со кризи, веднаш на лице место отишле инспектор и кримтехничар од ПС - Кавадарци, со цел истата да ја обезбедат. Неексплодираното убојно средство безбедно ќе се отстрани во текот на денов, истакнуваат од ЦУК.
Оттаму препорачуваат во вакви случаи, граѓаните да не фаќаат и да не поместуваат, туку да пријават на единствениот повикувачки број за итни случаи - 112 во Центарот.
Вкупно 1.377 повици на 112 се регистрирани изминатите 24 часа.
- Од нив, „реални“ - 62,16 проценти, а 37,84 отсто за други потреби на граѓаните што не биле итни. Кон полицијата биле упатени 56,89 проценти, кон Итната медицинска помош - 38,67 отсто, а кон пожарникарите - 3,11 проценти, од реалните повици, се додава во денешното соопштение.
Ново на Сител
-
Во Германија една четвртина од вработените сè уште работат од дома
-
Тошковски: Справувањето со илегалната миграција и останатите форми на прекуграничен криминал се еден од нашите главни приоритети
-
Мицкоски: Граѓаните да бидат спокојни зголемување на цената на електричната енергија нема да има
-
Повредени тројца од екипата на Итна помош откако беа заглавени во лифт во Кисела Вода што паднал во подрум
-
За пет месеци фреквенцијата на патници на ГП „Блато" зголемена за 14 отсто
-
Николоски бара Обвинителството да го испита работењето на ЈП за државни патишта и ЖРСМ Инфраструктура
-
Приведен скопјанец кој уценувал девојка
-
До март најверојатно ќе се реализираат две линеарни зголемувања на пензиите, најави Мицкоски