ЦУК: До 18:00 часот 13 пожари на отворен простор од кои два се активни 11 изгаснати

До 18:00 часот на  на територијата на државата се регистрирани 13 пожари на отворен простор, од кои два се активни, а 11 се изгаснати. Се уште активни се пожарите во општина Охрид кај селото Мешеишта каде гори ниска вегетација и во општина Велес покрај магистралниот пат Велес–Штип каде гори нискостеблеста шума, сува трева и грмушки, информира Центарот за управување со кризи (ЦУК).

Изгаснати се пожарите во општина Шуто Оризари – во близина на Џиди Комерц, Визбегово, каде гореле ѓубре и сува трева; општина Зелениково – с. Страхојадица, каде гореле шума, сува трева и ѓубре; општина Кисела Вода – населба Разадник, на ул. „Борис Трајковски“, каде горела ниска вегетација; општина Виница – с. Јакимово, каде горело ѓубре; општина Кочани – с. Долни Подлог, во двор на семејна куќа, каде горело ѓубре; општина Битола – с. Кукуречани, каде горело ѓубре; општина Долнени – с. Житоше, во близина на училиштето, каде горела ниска вегетација; општина Прилеп – месност „Три багреми“, каде гореле ниска вегетација и ѓубре; општина Ресен – с. Стење, каде горела ниска вегетација; општина Липково – с. Никуштак, каде горела ниска вегетација; и општина Старо Нагоричане – с. Ругинце, каде гореле ниска вегетација и стрниште.

МИА