ЦУК: Активен пожар во месноста Раштански лозја, изгаснати пет низ државата
Се уште е активен пожарот во месноста Раштански лозја, крај Скопје, а изгаснати се пет пожари на територија на цела држава, информира вечерва Центарот за управување со кризи (ЦУК).
Во информацијата за состојба со пожарите до 19:00 часот, од ЦУК посочуваат дека од 18:05 часот е интервенирано на пожар на сува трева и лозје, во месноста Раштански лозја. Во гаснењето на пожарот интервенирано е со три противпожарни возила и со десет пожарникари.
Изгаснат е пожарот во атарот на селото Беловиште кон Куново, Тетовско, каде се гаснела запалена депонија. Се интервенирало со едно противпожарно возило и со двајца пожарникари и четворица вработени од Национални шуми.
Во периодот од 14:10 до 16:00 часот имало интервенција на улица „Бајрам Шабани“ во Куманово, каде било запалено стрниште. Пожарот го изгаснале тројца пожарникари со едно противпожарно возило.
Пожарникарите денеска од 9:41 до 11:25 часот го гаснеле пожарот на запалено стрниште кај стариот млин, на патот Битола- Прилеп.
Во периодот од 14:00 до 15:20 часот се гаснел пожарот на сува трева во село Горно Агларци, општина Новаци. Во гаснењето на пожарот интервенирале двајца пожарникари со едно противпожарно возило. Притоа оштетена е една дрвена бандера, за што е информирана компанијата ЕВН.
Изгаснат е и пожарот на територија на општина Градско. Пожарникарите од 14:00 до 18:15 часот интервенирале на подрачјето на оваа општина, меѓу селото Ногаевци и патарината. Таму имало пожар на отворен простор на запалено трева, ниска вегетација, шавар, багрем и јасика. Во гаснењето на пожарот интервенирале ТППЕ – Велес со пет пожарникари и едно противпожарно возило. Изгорена е повершина од два хектари.
Популарно од Македонија
Ново на Сител
-
5 деца само годинава се обиделе да се самоубијат, Меѓаши бележи пораст на нарушено ментално здравје
-
Обложувалници “Спорт Лаиф” реализираа донација од 4 милиони денари за дигестивниот оддел во Клиниката “Св. Наум Охридски”
-
Создавање на кадри според потребите на пазарот на трудот - Дали оваа политика може негативно да се рефлектира врз гимназиите?
-
Пратенички прашања во Собранието
-
Таравари: Алијанса за Албанците ќе излезе од Владата ако премиерот смета дека не сме потребни
-
СДСМ: Додека државата тоне, партиите во Владата се караат за ресори и тендери
-
63 општини досега доставиле 450 проекти за финансиска помош од државата
-
На повидок воспоставување на голема соработка помеѓу прилепската општа болница и Универзитетскиот клинички центар во Лозана
